Artikkelstart
Koptisk er eit språk som høyrer til den egyptiske greina av den afroasiatiske språkfamilien, og blir rekna som den siste fasen i utviklinga av det gamalegyptiske språket. Koptisk er det liturgiske språket i den koptiske ortodokse kyrkja og i den koptiske katolske kyrkja. Det finst truleg ingen som har hatt koptisk som førstespråk på fleire hundre år.
Faktaboks
- Eget navn
- ϯⲙⲉⲧⲣⲉⲙⲛ̀ⲭⲏⲙⲓ, timetremənkhēmi
- Norsk navn
- koptisk
- Engelsk navn
- Coptic
- Språkfamilie
- Status
-
liturgisk språk
- Land
- Skriftsystem
-
koptisk alfabet
- ISO-639:3
- cop
Koptisk vart talt i Egypt frå cirka 100 fvt. til 700-talet evt., då det etter kvart vart fortrengt av arabisk. Frå 1600-talet har det berre vore brukt som kyrkjespråk. Koptisk er det liturgiske språket i dei koptiske kyrkjene. Nærmare 10 prosent av innbyggjarane i Egypt høyrer til den koptiske kyrkja.
Endonymet for det koptiske språket er mǝntrǝmǝnkēme ⲙⲛ︤ⲧⲣⲙ︤ⲛ︤ⲕⲏⲙⲉ – bokstavleg 'egypt-menneske-språk' – medan rəmənkēme ⲣⲙ︤ⲛ︤ⲕⲏⲙⲉ tyder 'egyptar'. Landet Egypt heiter kēme ⲕⲏⲙⲉ, som eigentleg tyder 'det svarte (landet)' – med referanse til den svarte, grøderike jorda i Nildalen og Nildeltaet.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.