Sogn og Fjordane består av Indre og Ytre Sogn, og i tillegg Sunnfjord og Nordfjord. Det som her er kalla Indre Sogn, kan også delast inn i Midtre Sogn (Aurland, Sogndal, Leikanger, Balestrand og Vik) og Indre Sogn (Årdal, Lærdal og Luster).
Det er mange språkdrag som verkar samlande på dialektene i Sogn og Fjordane, slik at ein med rette kan bruka nemninga sognemål. Samstundes er det stor språkleg variasjon å finna i talemålet når ein reiser frå Indre Sogn og utover og nordover i fylket. Denne variasjonen heng saman med geografiske og administrative tilhøve som tidlegare delte fylket inn i mange småsamfunn.
Tvers gjennom Sogn og Fjordane fylke, på tvers av Sognefjorden, går ei viktig dialektgrense. Denne grensa set eit klårt skilje mellom to målgreiner på Vestlandet, nemleg nordvestlandsk og sørvestlandsk. Nordvestlandsk er e-mål, medan sørvestlandsk er a-mål.
E-måla i Ytre Sogn og Sunnfjord og Nordfjord blir også kalla fjordamål.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.