Dravidiske språk er i stor grad agglutinerande, og all bøying og avleiing blir uttrykt med suffiks; jamfør bøyinga av substantivet aːna ആന 'elefant' lenger nede.
Substantiva i dravidiske språk har ulike genus, og dei blir bøygde i tal (numerus) og kasus. Genussystema varierer noko mellom ulike språk, men ein meiner det systemet som er rekonstruert for sør-dravidisk, er det urdravidiske, her illustrert med pronomen:
- Eintal
- Menneske av hankjønn: *awantu 'han (menneske)'
- Alt anna: *atu 'ho, det'
- Fleirtal
- Menneske: *awar 'dei (menneske)'
- Alt anna: *awaj 'dei (ikkje menneske)'
Nomen (substantiv, adjektiv, pronomen, determinativ) har eit skilje mellom eintal og fleirtal, som malajāḷam kuʈʈi കുട്ടി 'barn', fleirtal kuʈʈikaɭ കുട്ടികൾ 'born', med det vanlege fleirtalssuffikset -kaɭ -കൾ.
Dei kasusa som er vanlege i dravidiske språk, er nominativ, akkusativ, dativ, komitativ (instrumental-sosiativ), ablativ, lokativ og genitiv. Nominativ har ikkje nokon eigen markør, mens dei andre er uttrykte med suffiks eller postposisjonar. Substantiv har normalt ei oblik stamme som kasussuffiksa blir lagde til. Postposisjonar blir lagde til eit substantiv med kasussuffiks eller til den oblike stamma. Tabellen viser bøyinga av substantivet aana ആന 'elefant' i malajāḷam. Bindestrekane er sette inn for å vise den aggutinerande strukturen.
aːn̲a ആന 'elefant' |
eintal |
|
fleirtal |
|
nominativ |
aana |
ആന |
aana-kaɭ |
ആനകൾ |
vokativ |
aan-ee |
ആനേ |
aana-kaɭ-ee |
ആനകളേ |
akkusativ |
aanaj-e |
ആനയെ |
aana-kaɭ-e |
ആനകളെ |
dativ |
aanaj-kkǝ |
ആനയ്ക്ക് |
aana-kaɭ-kkǝ |
ആനകൾക്ക് |
instrumental |
aanaj-aal |
ആനയാൽ |
aana-kaɭ-aal |
ആനകളാൽ |
lokativ |
aanaj-il |
ആനയിൽ |
aana-kaɭ-il |
ആനകളിൽ |
sosiativ |
aanaj-ooɖǝ |
ആനയോട് |
aana-kaɭ-ooɖǝ |
ആനകളോട് |
genitiv |
aanaj-uɖe |
ആനയുടെ |
aana-kaɭ-uɖe |
ആനകളുടെ |
Vokalen ǝ, som står på slutten av nokre ord, blir ikkje skriven i malajāḷam-skrifta. Det er ein ekstra kort vokal som opptrer automatisk etter nokre konsonantar. Den nøyaktige uttalen er [ɨ̆].
Verbet blir bøygt i tempus (preteritum, presens, futurum), aspekt (perfektiv, progressiv, habituell), modus, person/tal og genus. I tillegg finst det eigne suffiks for perfektum og negativ.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.