Hadia Tajik, norsk politikar (Arbeiderpartiet). Hadia Tajik var 2009–2017 stortingsrepresentant for Oslo og er frå 2017 stortingsrepresentant for Rogaland. Frå 2015 er ho saman med Trond Giske nestleiar i partiet. Ho var kulturminister i regjeringa Stoltenberg 2012–2013. Hadia Tajik var den yngste norske statsråden nokosinne. 

Hadia Tajik er fødd og oppvaksen i Strand i Rogaland. Ho starta sitt politiske arbeid som leiar av Strand AUF 1999–2002 og som politisk nestleiar i AUF i Rogaland 2001–2003. Frå 2008 var ho medlem av sentralstyret i AUF.

Hadia Tajik er utdanna jurist frå Universitetet i Oslo. Ho har også bachelorgrad i journalistikk ved Høgskolen i Stavanger og M.A. i menneskerettar frå Kingston University i London. Offentleg markerte ho seg først som forfattar og journalist. I 2001 redigerte Hadia Tajik antologien Svart på hvitt, ei bok der ulike minoritetsungdomar kom til orde i integreringsdebatten. Frå 2001 til 2006 var ho journalist og skribent i Aftenposten, VG, Dagbladet og Stavanger Aftenblad. 

Frå 2006 og fram til 2009 var Hadia Tajik politisk rådgjevar i Arbeids- og inkluderingsdepartementet, med avbrot som fungerande politisk rådgjevar i Justisdepartementet (2008–2009) og ved Statsministerens kontor (2008).

I perioden 2009–2013 var ho den einaste faste representanten på Stortinget med familiebakgrunn frå ikkje-vestleg kultur. Då ho blei statsråd i 2012, var ho den første norske statsråden med religiøs bakgrunn frå islam

Hadia Tajik var 2013–2017 leiar i Stortingets justiskomité. Frå 2017 er ho parlamentarisk nestleiar i Arbeiderpartiet og nestleiar i arbeids- og sosialkomiteen.

Foreslå endringer i tekst

Foreslå bilder til artikkelen

Kommentarer

Har du spørsmål om eller kommentarer til artikkelen?

Kommentaren din vil bli publisert under artikkelen, og fagansvarlig eller redaktør vil svare når de har mulighet.

Du må være logget inn for å kommentere.