Faktaboks

Offisielt namn
Territory of Heard Island and McDonald Island
Norsk namn
Heard- og McDonald-øyene
Uttale
hə:d –
Statsform
Australsk ytre territorium
Landareal
368 km²
Innbyggjartal
ingen busetnad
Valuta
Australsk dollar
Flagg
Australia med delstater, ytre og indre territorier
Australia er ein føderasjon av seks delstatar, med to interne territorium og sju eksterne territorium. De interne territoria ligg i hovudlandet, medan dei eksterne ligg i Stillehavet, Indiahavet og Antarktis. Delstatane er Vest-Australia, Sør-Australia, Queensland, New South Wales, Victoria og Tasmania. Dei interne territoria er Nordterritoriet og Australian Capital Territory. Dei eksterne territoria er Korallhavøyane, Norfolkøya, Ashmore og Cartierøyane, Christmasøya, Kokosøyane, Heard- og McDonaldøyene og Australian Antarctic Territory.
Australia med delstater, ytre og indre territorier
Lisens: CC BY NC SA 3.0
Heard- og McDonald-øyene, plassering

Heard- og McDonald-øyene (mørkegrønt) ligg i Antarktis (lysegrønt).

Heard- og McDonald-øyene, plassering
Av .
Lisens: CC BY NC 4.0
Plassering av Heard- og McDonald-øyane med naboland rundt, kart
Heard- og McDonald-øyane og naboland
Av .
Lisens: CC BY NC 4.0

Heardøya og McDonaldøyane er eit australsk territorium i det sørlege Indiahavet. Territoriet er ikkje busett og består av Heardøya (368 kvadratkilometer) og McDonaldøyane (2,5 kvadratkilometer, ligg 43 kilometer vest for Heardøya).

Heardøya og McDonaldøyane er ein av dei mest avsidesliggjande stadene i verda, og ligg på 53° 06ʹ sørleg breidde og 73° 31ʹ austleg lengd, over 4100 kilometer sørvest for Perth i Vest-Australia og cirka 1700 kilometer nord for kysten av Antarktis.

Aktive vulkanar pregar begge øyane. Dei er dei einaste aktive vulkanane på australsk territorium, og dei einaste aktive vulkanane på dei subantarktiske øyane. Heardøya er dominert av det vulkanske fjellmassivet Big Ben (2745 meter over havet), som er høgaste punkt på australsk territorium (sett bort frå den australske sektoren i Antarktis). Størstedelen av Heardøya er dekt av isbrear (79 prosent i 1947, 68 prosent i 1988). Klimaet er kaldt og fuktig og er prega av hyppige stormar. Her finst store sjøfuglkoloniar med blant anna fem pingvinarter, slirenebb, to albatrossartar, kjempestormfugl og kappdue. Yngleplass for kerguelenpelssel og sørleg sjøelefant.

McDonaldøyane er eit arkipel av McDonaldøya, Flat Island og Meyer Rock. Eit vulkanutbrot på McDonaldøya i 1997 dobla arealet på øya og sameinte han med Flat Island.

Heardøya blir besøkt sporadisk av forskingsekspedisjonar, cirka kvart tredje år, medan McDonaldøya berre har vore besøkt to gonger, første gong i 1971. Begge øyane blei i 1997 oppførte på UNESCOs verdsarvliste på grunn av det dynamiske samspelet mellom aktive vulkanar og isbrear og det sjeldan intakte økosystemet.

Historie

Heardøya og McDonaldøyane vart annektert av Storbritannia i 1910 og overført til Australia i 1947.

Namna er etter kaptein John J. Heard, som gjorde den første stadfeste oppdaginga av Heardøya i 1853, og kaptein William McDonald, som gjorde den første stadfeste oppdaginga av McDonaldøya i 1854.

Les meir i Store norske leksikon

Eksterne lenkjer

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg