Øyonn Groven Myhren

Faktaboks

Øyonn Groven Myhren
Født
8. august 1969, Oslo
Øyonn Groven Myhren i 2004.
Av /NTB.
Øyonn Groven Myhren
.
Lisens: Begrenset gjenbruk

Artikkelstart

Øyonn Groven Myhren er ein norsk komponist, folkemusikar og kvedar, samt lyre- og seljefløytespelar. Ho har eit allsidig repertoar, med balladar som spesialitet.

Bakgrunn

Øyonn Groven Myhren er fødd i Oslo. Ho lærte kveding først av mor si, Dagne Groven Myhren, og er dessutan barnebarn av Eivind Groven. Ho fekk seinare ein læremeister i Hagny Huso frå Vinje, som blei musikalsk «fadder» for henne i samband med tildelinga av Sagaprisen i 1996. Ho tok i 1998–2000 toårig kvedarutdanning ved Ole Bull AkademietVoss, og har i tillegg studert ved Riksteaterets elevskule, samt etnologi og folkloristikk ved Universitetet i Oslo.

Musikkarrieren

Groven Myhren komponerer eigne melodiar og arrangement, og driv med teaterarbeid. I tillegg har ho turnert mykje, både som soloartist og saman med andre. Sentralt i repertoaret hennar står balladane, noko ein kan høyre på plata Gullveven. Mellomalderballadar (2008). I tingingsverket hennar til Telemarkfestivalen 2009, «Runartromma», sette ho ny musikk til tradisjonelt balladestoff. Som soloartist har ho òg gitt ut Akkedoria frå Kristiania (2003), ei plate med slåttetralling. I 2009 skreiv Groven Myhren det meditative bestillingsverket Runartromma til Telemarkfestivalen sitt 20-årsjubileum.

Musikalske samarbeid

Groven Myhren har vore med i fleire grupper og prosjekt, mellom anna med mellomaldergruppa Aurora Borealis, som har gitt ut albumet Harpa (1997). Ho hadde òg ei sentral rolle på albumet Visor og kvæde frå Blåberglandet (1996), gitt ut av vokalgruppa Dvergmål, og på juleplata I jolo (1998), saman med spelemannen Alf Tveit og organisten Eilert Hægeland.

Saman med Odd Nordstoga hadde Groven Myhren stor suksess med bestillingsverket Nivelkinn. Verket er basert på Aslaug Vaa sin diktsyklus med same namn og vart skrive til Telemarkfestivalen i 2001. Albumet med same namn fekk Spellemannprisen i klassen for folkemusikk/gammaldans for 2002. Ho har òg arbeidd som skodespelar ved Det Norske Teatret, Riksteatret og Hordaland Teater. Hausten 2005 hadde ho ei sentral rolle i folkemusikkoperaen Tryllefløyta.

Utmerkingar

I tillegg til Spellemannprisen frå 2002 har Groven Myhren fått Sagaprisen og Norsk folkemusikkpris i 1996, samt vunne klassen for vokal folkemusikk med kvedingLandskappleiken både i 1997 og 1998.

Utgjevingar i utval

  • Song i Himmelsalar (2004, med gruppen Dvergmål)
  • Grisila og Gullveven (2008)
  • Paa Jorden Fred og Glæde. Folkekjære Julesalmer i 1700-tallets Norge (2015, men Lars Henrik Johansen)
  • Sogesong: Så vide fara dei Lindarord (2017, med Anne Hytta)
  • Runarslaget (2021, med SISU Percussion Ensemble)

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg