Eivind – Store norske leksikon

Eivind er eit mannsnamn som går tilbake til det norrøne Ey-vindr. I dette toledda namnet tyder forleddet kanskje ‘lykke’. Etterleddet tyder ‘sigerherre’.

Varianten Øyvind er best i samsvar med gjeldande rettskriving. I norrønt vart bokstavkombinasjonen [ey] uttalt [øy]. Ein parallell er verbet leysa i norrønt som svarer til løysa i nynorsk.

Namnet har fleire variantar: Eivin, Eivind, Eivinn, Ejvind, Eyvin, Eyvind, Eyvinn, Øivin, Øivind, Øivinn, Øyvin, Øyvind, Øyvinn.

Namnedag er 26. august. Even og Øyvind har også namnedag denne dagen.

Kjende personar med namnet Eivind

Eit utval personar med namnet Eivind, og som er omtalt i Store norske leksikon:

Namnestatistikk

I 2022 var det 8 341 menn i Noreg som hadde Eivind som det einaste førenamnet eller som det fyrste av fleire, og Eivind var blant dei hundre mest brukte namnet blant norske menn. I 2022 var det 42 gutar som fekk namnet Eivind.

Utvikling i bruk av namnet

Eivind vart tatt i bruk som eit historisk-litterært namn frå midten av 1800-talet. Namnet kan knytast til den nordiske namnerenessansen etter omsetjingar av Snorre midt på 1800-talet. Til liks med andre renessansenamn fekk Eivind eit oppsving i siste del av 1800-talet, men det skil seg frå dei fleste andre renessansenamna ved at det i 1980-åra låg på eit atskilleg høgare nivå enn ved førre topp rundt år 1900.

Geografisk variasjon på 1800-talet

Eivind var klart mest brukt i Kristiania, Telemark og Aust-Agder.

Geografisk variasjon i bruk av namnet Eivind på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Eivind var klart mest brukt i Kristiania, Telemark og Aust-Agder. (I søylene inngår det også ein eller fleire stavevariantar, til dømes Ejvind.)

Historisk bruk av namnet Eivind

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

mannsnamn
førenamn, mellomnamn, etternamn
personnamn
Om namneartiklane på snl.no

Litteratur

Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet