Cree er eit språk som høyrer til den algonkinske språkfamilien og er blant dei mest livskraftige av dei amerikanske urfolksspråka i Nord-Amerika. Kring 80 000 menneske har cree som fyrstespråk, av ei etnisk gruppe (cree) på om lag 200 000. Dei fleste bur i Canada, frå British Columbia og Alberta i vest til Labrador i aust, og nokre bur i USA.
Cree (nēhiyawēwin ᓀᐦᐃᔭᐌᐎᐣ) er eitt av dei elleve offisielle språka i dei kanadiske Nordvest-territoria (Northwest Territories), attåt dëne sųłiné (chipewyan), engelsk, fransk, gwich’in, inuinnaqtun, inuktitut, inuvialuktun, nord-slavey, sør-slavey og tłįchǫ yatiì (dogrib).
Ein person som tilhøyrer den etniske gruppa heiter nēhiyaw ᓀᐦᐃᔭᐤ, i fleirtal nēhiyawak ᓀᐦᐃᔭᐗᐠ. Språket sitt kallar dei nēhiyawēwin ᓀᐦᐃᔭᐌᐎᐣ.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.