Ojibwe er eit amerikansk urfolkspråk som høyrer til den algonkinske språkfamilien. Ojibwe er førstespråket til om lag 75 000 menneske som høyrer til folkegruppa ojibwe – 60 000 i Canada (frå Alberta til Quebec) og 15 000 i USA (frå Montana til Michigan) – av ei etnisk gruppe på 175 000 (75 000 i Canada og 100 000 i USA).
Det blir undervist i ojibwe som andrespråk i grunnskular og vidaregåande skular i fleire ojibwereservat.
Ein person som høyrer til den etniske gruppa ojibwe, heiter ojibwe ᐅᒋᐺ eller anishinaabe ᐊᓂᐦᔑᓈᐯ – i fleirtal ojibweg ᐅᒋᐺᒃ og anishinaabeg ᐊᓂᐦᔑᓈᐯᒃ. Språket sitt kallar dei ojibwemowin ᐅᒋᐺᒧᐎᐣ og anishinaabemowin ᐊᓂᐦᔑᓈᐯᒧᐎᐣ. På engelsk finst ordet ojibwe òg i formene Ojibway og Chippewa.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.