Vågå

Faktaboks

Landareal
1 253 km²
Innbyggertall
3 589
Administrasjonssenter
Vågåmo
Fylke
Innlandet (fra 01.01.2020, tidligere Oppland)
Innbyggernavn
vagvær
Målform
nynorsk
Kommunenummer
3435 (fra 01.01.2020, tidligere 0515)
Høyeste fjell
Surtningssue (2368 moh.)

Kommunevåpen

Vågå. Administrasjonssenteret Vågåmo med Ottaelva. Utsikt østover. Bildet er hentet fra papirleksikonet Store norske leksikon, utgitt 2005-2007.

Av /KF-arkiv ※.

Vågå kyrkje, stavkirke fra 1100-tallet.

.
Lisens: Begrenset gjenbruk

Artikkelstart

Vågå er ein kommune i Innlandet fylke, i Nord-Gudbrandsdal, omkring Ottas nedre dalføre, mellom Sel og Lom. I sør høyrer den øvre delen av Sjodalen til Vågå.

Natur

Vågå kommune omfatter den østre delen av Jotunheimen. Besseggen danner skillet mellom Bessvatnet (til høyre) og Gjende.

Av /NTB Scanpix ※.

Gjende med DNTs hytte Gjendesheim i forgrunnen. Rett overfor Gjendesheim står bua til Jo Gjende.

Av /KF-arkiv ※.

Store delar av Jotunheimen høyrer til Vågå, som er ei typisk fjellbygd med meir enn tre firedelar av arealet høgare enn 900 meter over havet. På nordsida av elva Otta går fjella opp i 1500–1600 meter over havet på grensa mot Dovre og Lesja, i Jotunheimen er fleire toppar over 2000 meter over havet, høgast er Surtningssue (2368 meter over havet) på nordsida av Gjende og Store Knutsholstinden (2341 meter over havet) på sørsida av Gjende. Surtningssue er den sjuande høgaste toppen i Noreg, mens Knutsholstinden ligg på 13. plass. Den austlege delen av Jotunheimen nasjonalpark ligg i Vågå. Berggrunnen høyrer i hovudsak til Jotunheimens skyvedekker, men i hovuddalen og i Sjodalen er det fyllitt frå dei underliggande kambrosiluriske avsetningane.

Bergfrue (lokalt namn vianvang) er kommuneblome for Vågå kommune. Han trivst i store delar av kommunen, og veks opp til 1500 meter over havet.

Befolkning og busetnad

Det aller meste av busetnaden finst i hovuddalen, med tettstaden og administrasjonssenteret Vågåmo (1513 innbyggarar i 2018) og tettstaden Lalm (325 innbyggarar). Folketalet i kommunen heldt seg stabilt frå 1945 og fram til 1980-åra; deretter er folketallet gått noko attende. I tiårsbolken 2009–2019 gjekk folketalet tilbake med 3,2 prosent.

Næringsliv

Vågå er ein god jordbrukskommune. Gardane går opp i 800 meter over havet på den fruktbare jorda som er danna av fyllitten. Seterfjellet er framleis ein viktig produksjonsfaktor. Jordbrukets hovudprodukt er mjølk og kjøtt. Nedbøren er så låg nede i dalen at mange bruk er avhengige av vatning, noko som har lang tradisjon i Ottadalen. Industrien i Vågå baserer seg i hovudsak på lokale råstoff; sagbruk og høvleri, møbel- og verkstadindustri.

Vågå er ein relativt liten kraftkommune, med ein gjennomsnittleg årsproduksjon på 295 gigawattimar (GWh) per 2016. Det er åtte kraftverk i kommunen, største fallhøgd er 311 meter. Fire av kraftverka ligg i Tessa, ei bielv til Otta.

Samferdsel

Riksveg 15 (Otta–Måløy) følgjer hovuddalen og går på sørsida av Vågåvatnet. Frå denne tek ved Tessand riksveg 51 av sørover til Fagernes gjennom Sjodalen og over Valdresflye. I fjellet er det fleire vegar. Det går blant anna veg opp til den tidlegare TV/FM-sendaren på Blåhøe (1617 meter over havet) nordaust for Vågåmo og frå Randsverk opp Veodalen til Glitterheim turisthytte.

Administrativ inndeling og offentlege institusjonar

Vågå høyrer til Innlandet politidistrikt, Vestre Innlandet tingrett og Eidsivating lagmannsrett.

Kommunen er med i regionrådet Nord-Gudbrandsdal regionråd saman med Dovre, Lesja, Lom, Sel og Skjåk.

Vågå kommune svarar til soknet Vågå i Nord-Gudbrandsdal prosti (Hamar bispedømme).

Mot slutten av 1800-talet hørte Vågå til Nordre Gudbrandsdalen fogderi i Christians Amt.

Delområde og grunnkrinsar i Vågå

For statistiske formål er Vågå kommune (per 2016) inndelt i to delområde med til saman 15 grunnkrinsar:

  • Vågåmo og omegn: Sjodalen, Synstlia/Randsverk, Tessand, Vistekleiven-Skottli, Nordherad, Skårvangen/Skogbygda, Vågåmo, Finntryu, Sveaholen
  • Lalm og omegn: Holongsøy/Rusten, Lalm Solside, Lalm tettsted-Ottadalen Solside, Sjårdalen, Lalm Bakside, Ottadalen Bakside

Historikk og kultur

Vågå kyrkje er opphavleg ei stavkyrkje oppført på 1100-talet, ombygd 1625–1630. Friluftsmuseet Jutulheimen syner handverk, reiskap, treskjering og har Jo Gjende-utstilling. Turismen har fått ei stadig aukende betydning for Vågå. Både nede i dalen og i fjellet er det fleire turistverksemder, blant anna har Den Norske Turistforening fleire kjende hytter på fjellet. Knut Hamsuns fødestad er rekna å vere Skultbakken i Vågå. Riksanlegg for hang- og paragliding ligg ved Vågåmo.

Kommunevåpenet

Kommunevåpenet (godkjent i 1985) har på raud bakgrunn eit springende gull reinsdyr på skrå oppover; symboliserer Peer Gynts bukkeritt over Gjendineggen.

Les meir i Store norske leksikon

Eksterne lenker

Litteratur

  • Teigum, Ivar: Bygdebok for Vågå og Sel, 2001-2009, 4 b., Finn boka

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg