Gjende er ein brepåverka innsjø i Jotunheimen, i Vågå kommune. Sjøen har ei lang og smal bassengform og ein karakteristisk blågrøn farge på grunn av breslammet.
Gjende har aure som einaste fiskeart, og er elles naturleg artsfattig, noko som er typisk for slike fjellsjøar. Sjøen måler 15,6 kvadratkilometer, ligg 984 meter over havet, og største djup er 149 meter. Lengda frå aust til vest er 18 kilometer. Grensa til Lom følger nordbreidda mellom Gjendebu og Memurubu. Gjende har avløp i austenden til Sjoa. Tilløpselver er frå nord Muru, frå vest Storåe og frå sør Leirungsåe. Gjende ligg, med unntak av Gjendeosen, i Jotunheimen nasjonalpark. Gjende og Sjoavassdraget vart varig verna mot kraftutbygging i 1973.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.