Faktaboks

Magne Oftedal
Fødd
10. mars 1921, Sandnes, Rogaland
Død
26. mai 1985, Oslo
Verke
Filolog
Familie

Foreldre: Materialforvalter Sven Oftedal (1882–1956) og Dorthea Nygaard (1885–1967).

Gift 1947 med Eli Eik-Nes (6.9.1921–), datter av prost Knut Eik-Nes (1888–1968) og lærer Nina Lange Dahler (1900–97).

Svoger til Kristen Eik-Nes (1922–92).

Magne Oftedal var ein norsk professor i keltisk språkvitskap. Han publiserte arbeid om språkspor i stadnamn etter dei norrøne busetjingane i Skottland og Irland.

Bakgrunn

Magne Oftedal var fødd i Sandnes i Rogaland og døydde i Oslo. Han tok examen artium i ved Stavanger katedralskole i 1940, vart magister i 1947 ved Universitetet i Oslo i allmenn språkvitskap, med fransk og norsk som støttefag. Tittelen på magistergradsavhandlinga var Ordstruktur i Gjestalmålet.

Språkvitskapen

Oftedal var universitetsstipendiat i allmenn språkvitskap ved Universitetet i Oslo 1949–1954, tok doktorgraden i 1956 på avhandlinga The Gaelic of Leurbost, Isle of Lewis og vart professor i keltisk språkvitskap ved Universitetet i Oslo i 1957. Føregjengaren var Carl Marstrander, som var ein av lærarane til Oftedal. Ved sida av skotsk-gælisk underviste han også i walisisk og bretonsk. Han var redaktør av tidsskriftet Lochlann – A Review of Celtic Studies frå 1969 til 1974, då tidsskriftet vart lagt ned. Tidsskriftet var eit tillegg til Norsk Tidsskrift for Sprogvidenskap.

Under eit opphald ved University of Wisconsin i 1948 samla Oftedal materiale om norske dialektar i USA. Materialet vart publisert i Einar Haugens verk The Norwegian Language in America (1959). Seinare arbeidde han særleg med skotsk-gæliske dialektar, stadnamn og fonologi. Han publiserte fleire arbeid om stadnamnspor etter den norrøne busetjinga i Skottland og Irland.

Andre verv

Oftedal vart vald inn i Det Norske Videnskaps-Akademi i 1958. Han var medlem i Norsk språknemnd 1956–1965 og var viseformann 1958–1959 og 1960–1961. Oftedal var òg formann i Norsk forening for språkvitenskap 1956–1957, medlem av Kringkastingsrådet 1959–1966 og styremedlem i Det Norske Teatret 1967–1973. Då Kringkastingsringen vart skipa i 1955, var Oftedal den første formannen (1955–1956).

Les meir i Store norske leksikon

Litteratur

  • Einar Haugen: The Norwegian Language in America, bd. 1 og 2. Philadelphia 1953
  • Magne Oftedal: «Stadnamn på framand grunn», i Botolv Helleland: Norske stedsnavn/stadnamn. Oslo1975
  • Magne Oftedal: «The village names of Lewis in the Outer Hebrides», Norsk Tidsskrift for Sprogvidenskap, XVII, 1954
  • Tormod Strømme og Marit Aakre Tennø (red.): Med hjartet på rette staden. Kringkastingsringen 50 år 1955–2005. Oslo 2005

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg