Unni Boksasp

Faktaboks

Unni Boksasp
Født
2. desember 1972
Unni Boksasp. Fotograf: Kjell Bitustøyl, gjengitt med tillatelse.
.
Lisens: Begrenset gjenbruk

Unni Boksasp, fødestad Tingvoll, norsk kvedar, utdanna ved Folkemusikkstudiet i Rauland og Folkemusikkstudiet ved Kungliga Musikhøgskolan i Stockholm. Boksasp er opphavleg frå TingvollNordmøre, men er busett i Tinn i Telemark. Viktigaste læremeister og inspirasjonskjelde er Magnhild Almhjell frå Nordmøre. Fyrste soloplata kom i 2007, Songar frå Havdal, dette er ei plate med songar etter Maghnhild Almhjell.

Med utgangspunkt i den nordmørske tradisjonen har Boksasp arbeidd med arrangering og komponering i tillegg til å vera soloutøvar. Ho tok steget over i den verkelege eliteklassa blant norske kvedarar då ho vann vokal klasse A på Landskappleiken i 2010. Året etter, i 2011 under Landskappleiken i Seljord, tok ho sin andre siger. Ho vann Folkelarmprisen 2010 i klassa for tradisjonelt samspel med CD-en Keramello, her hadde ho med seg sitt eige band som ho òg har turnert med. Plata fekk Spellemannprisen for 2010.

Boksap har samarbeidd med ulike komponistar, bl.a. Henning Sommerro, Henrik Ødegård og Anne Hytta. Etter at ho flytte til Telemark har ho hatt Hanne Kjersti Yndestad som læremeister i telemarkstradisjon. Ho har turnert for Rikskonsertane bl.a. i Møre og Romsdal.

Eksterne lenker

Unni Boksasps eiga nettside

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg