Inger Bråtveit

Faktaboks

Inger Bråtveit
Født
3. oktober 1978, Bergen
Foto: . Gjort tilgengeleg av Oktober forlag
Av /Oktober forlag.
Lisens: Begrenset gjenbruk
Inger Bråtveit. Alice A4. Oktober. 2015.
Av /Forlaget Oktober.

Inger Bråtveit er ein norsk forfattar som fekk mykje merksemd med debutromanen sin. For Munn mot ein frosen fjord (2001) mottok ho Nynorsk Litteraturpris frå Noregs Mållag i 2002.

Bråtveit festa posisjonen sin som ein av våre viktige, samtidige forfattarar med andreboka si, romanen Siss og Unn (2008). Hovudpersonane i boka er henta frå Tarjei Vesaas Is-slottet.

Biografi

Bråtveit er fødd i Bergen i 1978, og vaks opp i Suldal. Ho studerte litteraturvitskap, nordisk og teatervitskap i Bergen, og skreiv mastergradsoppgåve om Is-slottet.

Love Project frå 2009 var eit samarbeid med den svenske poeten Cecilia Hansson, og er Bråtveits debut som poet. Samarbeidsprosjekt har ho også gjort i lag med kunstnarar som Jenny Hval. Mummy Big er tittelen på eitt av dei musikalske tekstarbeida som kom frå samarbeidet.

Bråtveits debut som barnebokforfattar kom i 2012, med ei biletbok på Flamme Forlag.

Ved sia av å skrive eigne bøker, har Bråtveit arbeidd for Det Norske Bibelselskap sitt revisjonsprosjekt «Bibel 2011».

Priser

  • Nynorsk litteratupris (2002) for Munn mot ein frosen fjord
  • Bjørnsonstipendet (2009)
  • Suldal Mållags Målpris (2010)

Bibliografi

  • Dette er også vatn (Roman, Oktober, 2018)
  • Alice A4 (Roman, Oktober, 2015)
  • Kven er snillast av far og mor? (Barnebok, Flamme, 2012)
  • Loveprosjekt (Lyrikk, Oktober, 2009)
  • Siss og Unn (Roman, Oktober, 2008)
  • Munn mot ein frosen fjord (Roman, Tiden, 2002)

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg