Faktaboks

Terje Wold
Fødd
23. august 1899, Evenes
Død
6. september 1972, Oslo
Verke
Jurist og politiker
Familie

Foreldre: Skolebestyrer Einar Wold (1875–1953) og Amanda Marie Carlsen (1879–1918).

Gift 21.8.1926 i Vardø med Aud Margot Moe (16.3.1900–10.8.1995), datter av kjøpmann Albert Moe (1860–1945) og Ida Marie Hansen (1874–1959).

Terje Wold
Av /Stortingsarkivet.

Terje Wold var ein norsk jurist og politikar frå Arbeidarpartiet (Ap).

Bakgrunn

Terje Wold
Terje Wold på sitt kontor i London under krigen.
Av /Riksarkivet.
Lisens: CCO 1.0

Han utdanna seg som cand. jur. i 1921, vart høgsterettsadvokat i 1931, og lagdommar i Hålogaland i 1936. Han vart utnemnd til høgsterettsdommar i 1945, men tiltredde først etter stortingsvalet i 1949. Frå 1958 til 1969 var han høgsterettsjustitiarius.

Politisk karriere

Wold var ordførar i Vadsø i 1928 og i åra 1935–1936. Som justisminister i Johan Nygaardsvolds regjering (Londonregjeringa) under andre verdskrigen spela Wold ei sentral rolle ved å skape det juridiske grunnlaget for norsk kontroll av handelsflåten og ved å etablere det lovmessige grunnlaget for norsk administrasjon medan regjeringa Nygaardsvold var i eksil.

Han hadde mellom anna òg eit hovudansvar for å førebu landssvikoppgjeret etter krigen og var med i planlegginga av kva som skulle skje etter frigjeringa. Han var sterkt engasjert i frigjeringa av Nord-Noreg og var den første frå regjeringa som besøkte dei frigjorde områda i november 1944.

Wold var stortingsmann frå Finnmark i perioden 1945–1949 og formann i Utanriks- og konstitusjonskomiteen. Han var delegat til FNs generalforsamlingar i perioden 1945–1949, medlem av den norske delegasjonen ved fredskonferansen i Paris i 1946 og av krigsforbrytarkommisjonen i London i åra 1945–1946.

Wold var også dommar ved Den europeiske menneskerettsdomstolen frå 1959 til 1972. I 1951–1958 leidde han Forvaltningskomiteen, som la grunnlaget for ombodsmannslova av 1962 og forvaltningslova av 1967. Den første sikra enkeltindividet sterkare vern, og den andre opna for ein meir open offentleg sektor. Han sat i Europarørsla sitt norske råd i perioden 1956–1965.

Les meir i Store norske leksikon

Litteratur

  • Vidar Eng: Terje Wold – en terrier fra nord (2013)

Faktaboks

Terje Wold
Historisk befolkingsregister-ID
pf01036991000648

Kommentarar (1)

skreiv Vidar Eng

Hei!Jeg sendte endringsforslag 13. november som såvidt jeg kan se verken er tatt til følge eller avvist. Siden det gjelder henvisning til eneste bok om emnet (Terje Wold) burde det vel være enkelt?Mvh, Vidar Eng

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg