Halvard er eit mannsnamn som går tilbake til det norrøne Hall-varðr. I dette toledda namnet tyder forleddet ‘(flat) stein’ og etterleddet ‘vaktar’.
Halvard
Kjende personar med namnet Halvard
Eit utval personar med namnet Halvard, og som er omtalt i Store norske leksikon:
- Hallvard Ellestad Bergh (1850–1922)
- Halvard Johan Thomasson Drægni (1869–1950)
- Halvard Bachke (1873–1948)
- Halvard Olsen (1886–1966)
- Halvard Lange (1902–1970)
- Halvard Grude Forfang (1914–1987)
- Jens-Halvard Bratz (1920–2005)
- Halvard Bjørkvik (1924–2021)
- Halvard Hanevold (1969–2019)
Namnestatistikk
I 2022 var det 1 345 menn i Noreg som hadde Halvard som det einaste førenamnet eller som det fyrste av fleire. I 2022 var det 9 gutar som fekk namnet Halvard.
Utvikling i bruk av namnet
Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Halvard og Hallvard (lite brukt på 1800-talet) slått saman, og dei er presenterte med ei felles kurve for 1800-talet. Halvard høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969, til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald, Sigmund og Torbjørn. Mens Halvard hadde ein gradvis tilbakegang etter toppfasen 1915–1919, hadde stavevarianten Hallvard ein noko hakkete kurveprofil med tre toppar på 1900-talet.
Utvikling i bruk av namnet Halvard frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Halvard var mest brukt i Oppland, Rogaland og Hordaland.
Geografisk variasjon i bruk av namnet Halvard på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Halvard var mest brukt i Oppland, Rogaland og Hordaland. (I søylene inngår det også ein eller fleire stavevariantar, til dømes Hallvard.)
Historisk bruk av namnet Halvard
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
- mannsnamn
- førenamn, mellomnamn, etternamn
- personnamn
- Om namneartiklane på snl.no
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.