Andreas Seierstad

Faktaboks

Andreas Seierstad

Andreas Pedersen Seierstad

født:
24. november 1890, Hedrum (no Larvik), Vestfold
død:
15. juli 1975, Oslo

Andreas Seierstad var ein norsk teolog og kyrkjehistorikar. Han blei cand.theol. i 1921 og dr.theol. i 1924. Frå same år var han dosent ved Det teologiske menighetsfakultet og professor i kyrkjehistorie same stad frå 1945 til 1960. Han var dekan frå 1946 til 1954.

Seierstad gav ut mellom anna doktoravhandlinga Kyrkjelegt reformarbeid i Norig i nittande hundreaaret (1923), Olavsdyrking i Nidaros og Nord-Europa (1930) og mindre avhandlingar om norsk kyrkjehistorie, særleg mellomalderen, reformasjonstida og 1800-talet, dei fleste prenta opp att og samla i Fedrearv og kristenkall (1965). Han var medredaktør av Tidsskrift for teologi og kirke i 1930 til 1960 og medlem av Den midlertidige kirkeledelse i 1943 til 1945.

Han var bror av Ivar Pedersen Seierstad.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg