Faktaboks

Innbyggjartal
2597 (SSB, 2023)
Landareal
3,2 km²
Tettstadsnummer
2092 Geilo
Geilo

Geilo er et populært vintersportssted, med mange hytter, slalåmbakker og langrennsløyper.

Av .
Lisens: CC BY 2.0
Geilo stasjon
Geilo stasjon er omtrent midtveis mellom Oslo og Bergen.

Geilo er ein tettstad i Hol kommune i Buskerud. Tettstaden er ifølgje SSBs definisjon 3,2 km², og har 2597 innbyggjarar (2023).

Samferdsle

Geilo er eit trafikknutepunkt. Her møtest riksveg 7, som knyter E16 ved Hønefoss til riksveg 13 ved Hardangerbrua og har det kortaste vegsambandet mellom Oslo og Bergen, og fylkesveg 40 som fører over Dagali til Kongsberg og Larvik.

I tillegg til jernbanesamband med Oslo og Bergen har Geilo bussrutesamband mellom anna til Hønefoss, Rødberg i Numedal og Odda i Hardanger.

Turisme

Geilo er ein svært populær turiststad så vel sumar som vinter, og har mellom anna mange hotell, pensjonat og utleigehytter.

Staden er eit godt utbygd vintersportsstad med mellom anna taubane, fleire skitrekk og skøytebane, og med fleire faste, årlege arrangement sumar og vinter, til dømes vintersportsfest i januar, bidreg dette til Geilos posisjon som eit av dei viktigaste turiststadene i landet.

Anna næringsliv

I tillegg til turisttrafikken set ein stort jern- og metallvareindustri (knivar, ljåar, verktøy og andre jernvarer), og dessutan produksjon av sportsartiklar og suvenirar, sitt preg på næringslivet til staden.

Geilo er elles eit stort handelssenter, ikkje minst på grunn av turisttrafikken. På Geilo har kraftselskapet Ustekveikja Energi AS hovudkontoret sitt.

Fornminne

Tuftebrui over Usteåne like vest for tettstaden er frå 1830 og er freda. På Fetjo ved Ustedalsfjorden på sørsida av tettstaden er det 17 gravhaugar frå vikingtida.

Namnet kjem av dativ fleirtalsform av geil, 'inngjerda krøtterveg'.

Kart

Geilo
/Statens kartverk.

Les meir i Store norske leksikon

Kommentarar (1)

skreiv Per Bremnes

Pr. januar 2012 er det 4457 innbyggere i Hol kommune. 91% av arealet ligger over 900 meter over havet. 80% av arealet ligger over 1000 meter over havet

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg