Faktaboks

Bygdanytt
Offisielt namn
BYGDANYTT AS
Organisasjonstype
Aksjeselskap
Forretningsadresse
Indre arna
Stifta
24.11.2005
Dagleg leiar
Anita Sandal
Styreleiar
Håvard Kvalheim
Avishode til Bygdanytt
Avishode til Bygdanytt
Bygdanytt.

Opplagstall for Bygdanytt, 1986-2022

1986 3556
1988 3810
1990 3808
1991 4126
1992 3813
1993 3941
1994 3791
1995 3942
1996 4019
1997 4037
1998 4124
1999 3948
2000 3922
2001 3894
2002 3906
2003 4008
2004 4088
2005 4152
2006 4295
2007 4536
2008 4587
2009 4625
2010 4585
2011 4647
2012 4595
2013 4710
2014 4562
2015 4213
2016 4020
2017 4359
2018 5030
2019 5164
2020 5066
2021 5042
2022 4953
Kilde: medienorge.uib.no (papiropplag til 2014; deretter totalopplag, endring i beregningsmetode fra 2018)

Bygdanytt er lokalavis for Arna i Bergen og for Osterøy. Avisa vart grunnlagd i 1951 og har kontor i Arna. Den kjem ut på papir to dagar i veka, elles som nettavis. Avisa har frå 2023 Polaris Media som hovudeigar. Redaktøren i Bygdanytt er frå 2018 òg redaktør i bladet Strilen.

Ansvarleg redaktør er Eirik Langeland Fjeld.

Digitalt

Bygdanytt publiserer både på papir og nett. Nettadressa vart registrert i 1999, men det gjekk fleire år før redaksjonelt stoff vart lagt ut på nettet. Ordninga med betalingsmur for ikkje-abonnentar vart for noko av stoffet sett i verk i 2016. Det gjennomsnittlege talet på daglege lesarar av papirutgåva og publisering på digitale plattformer er 10 143 (4. kvartal 2022), ifølgje Mediebedriftenes Landsforening.

Historie

Ragnvald Røiseth
Då redaktør Sigurd Mjeldheim døydde i 1967, stod avisa i fare for å bli lagd ned. Eigaren av Foto sentrum, fotograf Per Presthus, hadde i fleire år vore tilknytt Bygdanytt. Presthus spurde svogeren sin, Ragnvald Røiseth (biletet), om han kunne ta på seg redaktørjobben. Røiseth sa ja til det, og var redaktør til 1979. Presthus kjøpte Bygdanytt for 5000 kroner, og i 1969 overtok han også trykkinga av avisa.
Ragnvald Røiseth
Bygdanytt.

Bygdanytt kom ut med det første nummeret 20. april 1951 og er den eldste lokalavisa i tidlegare Hordaland. Avisa var opphavleg lokalblad for den tidlegare kommunen Haus, som er slått saman med Bergen og med Osterøy.

Bygdanytt var likevel ikkje første forsøket på å skape lokalavis for dette området. Johannes Revheim og Sigurd Mjeldheim hadde tidlegare skipa Haus Bygdeblad, men på grunn av usemje gjekk Mjeldheim ut og skipa sitt eige blad, Bygdabladet. Mjeldheim heldt på undertittelen «Upolitisk bygdeblad for Haus og næraste kommunar» også i denne avisa, og seinare same året skifta avisa namn til Bygdanytt.

Etterfølgjaren etter Haus Bygdeblad, Sambygdingen, skulle vere lokalblad for Haus og Åsane, men måtte gi seg allereie året etter. I 1996 fekk Bygdanytt ein ny konkurrent på Osterøy, Ostringen, men denne avisa måtte gi seg i 2007. Med unnatak av eit opphald i åra 1956 til 1959 har Bygdanytt kome ut heile tida sidan starten i 1951.

Bygdanytt døydde heller ikkje etter sterk urbanisering i området på 1960- og 1970-talet. Tvert om var det avisa som berga bygdeidentiteten, og avisa greidde også å halde oppe sambandet mellom Arna og dei delane av Osterøy som naturleg sokna mot Arna. Med den nye Osterøybrua i 1997 blei sambandet mellom fastland og øy knytt på nytt.

Avisa hadde frå starten av lokale eigarar. I 2005 vart ho kjøpt opp av Bergens Tidende, og vart seinare ein del av Schibsted-konsernet. Hausten 2023 overtok Polaris Media 51 prosent av aksjane. Avisa har både bokmål og nynorsk som redaksjonelt språk. Bygdanytt vart kåra til den beste lokalavisa i Europa i 2012. Bygdanytt har ei moderne nettavis, som prioriterer nyhende.

Opplag

År Opplag
1970 1905
1991 4126
2008 4587
2015 4213
2017 4359
2020 5066
2021 5043
2022 4953

Opplagstal i 2015 var 4213 for papiravisa og 4049 for sal av digitale abonnement og utgåver. Til og med 2015 gjeld opplagstala berre papirutgåva. Frå 2020 nyttar ein netto opplagstal for digitalt abonnement og papirabonnement.

Fakta

  • Første nr. av Bygdanytt er datert 20. april 1951
  • Eigar frå 2012 til 2023 var Schibsted. Polaris Media er frå 2023 majoritetseigar.

Les meir i Store norske leksikon

Eksterne lenker

Litteratur

  • Kjartan Rødland: «Bygdanytt», Norsk presses historie 1660–2010, bd. 4. Oslo 2010
  • Tom Arbo Høeg: Norske Aviser 1763–1969. Oslo 1973

Faktaboks

Bygdanytt
Sektorkode
2100 Private aksjeselskaper mv.
Næringskode(r)
58.140 Utgivelse av blader og tidsskrifter

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg