Skapinga
Kreasjonisme er basert på ei bokstavleg tolking av skapingssoga i Bibelen. Kreasjonistar er først og fremst i opposisjon til utviklingslæra. Mange meiner også at Jorda er omtrent 6000 år gammal, og avviser big bang.
Skapinga
Av .

Kreasjonisme er ei trusretning basert på overtydinga om at universet, verda og alt liv er skapt slik Bibelen beskriv det. Kreasjonismen vann fram blant fundamentalistiske kyrkjesamfunn i USA i 1920-åra, i opposisjon til Charles Darwins lære og den moderne evolusjonsteorien.

Faktaboks

Uttale
kreasjonˈisme
Etymologi
av kreere frå latin creatio, ‘skaping’ og -isme
Også kjend som

Intelligent Design

I seinare år har kreasjonismen og kreasjonistiske synspunkt vunne ny støtte blant konservative kristne i USA og ein del andre land, særleg i Tyrkia og i Aust-Europa. Kreasjonisme opptrer mellom anna under namnet Intelligent Design, som føreset at det er ein plan bak korleis naturen er innretta. I Skandinavia er kreasjonismen eit marginalt fenomen. Kreasjonismen finst i enkelte kristne miljø, men dei fleste, også kristne, ser ingen motsetnad mellom evolusjonsteori og kristendom.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg