Kygo er ein norsk produsent og artist frå Bergen som opererer innan sjangeren elektronisk dansemusikk (EDM).
Artisten, fødd 11. september 1991 under namnet Kyrre Gørvell-Dahll, starta tidleg med produksjon av EDM og har etter kvart etablert seg som ei internasjonal EDM-stjerne, særskilt innan housekategorien «tropisk house».
Kygo står bak fleire internasjonale hitlåtar som Firestone, Stole the Show, Stay og Fragile. I mai 2016 slapp han debutalbumet Cloud Nine. Gørvell-Dahll har også remiksa kjende låtar av blant andre A-ha, Coldplay, Ed Sheeran og Marvin Gaye. Musikken hans har fått særleg merksemd grunna sin massive distribusjon gjennom strømmekanalar som Spotify, SoundCloud og YouTube. Frå 2014 har Kygo opptredd på stadig fleire store EDM-festivalar samt spelt eigne livekonsertar verda over. Sommaren 2016 arrangerte han sin eigen festival i heimbyen Bergen kalla Cloud Nine Festival. Saman med den amerikanske artisten Julia Michaels, framførte Kygo sin nye singel Carry me under avslutningsseremonien til OL i Rio de Janeiro august 2016.
Under Spellemannprisen 2015 mottok Gørvell-Dahll prisen for årets låt, Stole The Show. I tillegg blei han kåra til Årets spellemann.
Kommentarer
9. juli 2016 skrev Jon Vidar Bergan
Han skriver sitt siste etternavn med to l-er. Altså Gørvell-Dahll. Og hans debutalbum "Cloud Nine" gikk til topps på VG-lista straks det ble utgitt våren 2016. Artikkelen bør også oppdateres med hits han har hatt helt fram til i dag.
Har du spørsmål om artikkelen? Skriv her, så får du svar fra fagansvarlig eller redaktør.
Du må være logget inn for å kommentere.