Jenny Klinge

Faktaboks

Jenny Klinge

Jenny Elisabeth Klinge

Født
28. november 1975, Surnadal, Møre og Romsdal
Jenny Klinge i 2021.
Av /NTB.
Stortinget.

Artikkelstart

Jenny Klinge er næringsdrivande og stortingsrepresentant for Senterpartiet (Sp) frå Møre og Romsdal sidan 2009.

Bakgrunn

Jenny Elisabeth Klinge er fødd i Surnadal i Møre og Romsdal. Etter endt vidaregåande skule i Surnadal og Orkdal i 1994 tok ho grunnfag i sosiologi, tysk og historie ved Universitetet i Oslo i 1995–1999. Ho studerte natur- og kulturrettleiing ved Noregs idrettshøgskole i 2004–2005 og tok leiarkurs på BI i 2005–2006.

Klinge var lærar for framandspråklege i Halsa kommune i 1998–2000, var flyktningkonsulent i Surnadal kommune i 1999–2000 og arbeidde som næringsdrivande i Sæterbø Hus & Hage i Surnadal i 2002–2008.

Politisk karriere

Klinge var medlem av formannskapet i Surnadal kommune i 1999–2007 og var varaordførar i Surnadal i 2003–2007. Klinge var lokallagsleiar i Surnadal Senterparti i 2002–2004 og representant i fylkestinget i 2003–2007. Ho var vararepresentant frå Møre og Romsdal på Stortinget i perioden 2005–2009, og møtte fast frå 2008.

Ho vart innvald som stortingsrepresentant for Senterpartiet frå Møre og Romsdal i 2009. Ho var medlem av justiskomiteen på Stortinget i 2009–2021, der ho var første nestleiar i 2017–2021. Ho vart medlem av næringskomiteen i 2021. Samferdsel, justispolitikk og språkleg mangfald er dei viktigaste politiske sakene hennar.

Andre verv

Klinge hadde verv i Norsk Målungdom i studietida, og ho har mellom anna hatt ei rekkje verv i kulturlivet i Møre og Romsdal. Ho var medlem av kulturstyret og leiar for ungdomsrådet i 1999–2003, i styret for kulturskolen på indre Nordmøre, fylkeskulturutvalet og fylkesrådet for funksjonshemma i Møre og Romsdal i 2003–2007. Ho har vore leiar av driftsstyret for garden Vaulen i 2005–2007, medlem i styret for stiftinga Nordmøre museum i 2006–2009 og medlem av og leiar av styret for Nordmøre folkehøgskole i 2005–2008.

Les meir i Store norske leksikon

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg