Jarl – Store norske leksikon

Jarl er eit mannsnamn som har same form i dag som i norrønt. Det går tilbake til ordet jarl som tyder ‘høvding; fri, fornem mann’.

Jarlane stod høgast i rang av høvdingane i sagatida.

Namnedag er 24. januar. Jarle og Joar har også namnedag denne dagen.

Kjende personar med namnet Jarl

Eit utval personar med namnet Jarl, og som er omtalt i Store norske leksikon:

Jarl Hemmer (1893–1944)
Jarl Waldemar Jørstad (1923–2006)
Jarl Kulle (1927–1997)
Jarl Hammarberg-Åkesson (1940–2019)
Jarl Magnus Riiber (1997)

Namnestatistikk

I 2022 var det 1 611 menn i Noreg som hadde Jarl som det einaste førenamnet eller som det fyrste av fleire. I 2022 var det 4 gutar som fekk namnet Jarl.

Utvikling i bruk av namnet

Jarl var på topp 1945–1949. Også mange andre einstava nordiske mannsnamn hadde toppfasen sin innanfor perioden 1920–1979, til dømes Bjørn, Dag, Finn, Geir, Kjell, Leif/Leiv, Odd, Rolf/Rolv, Stein/Sten, Svein/Svenn og Ulf.

Les meir i Store norske leksikon

mannsnamn
førenamn, mellomnamn, etternamn
personnamn
Om namneartiklane på snl.no

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet