Store norske leksikon
Artikkelstart
Bygdebladet Randaberg og Rennesøy, vekeavis, grunnlagd i 1997, som blir gitt ut i Randaberg i Rogaland. Avisa blir også kalla berre Bygdebladet.
Før avisa blei etablert, hadde Randaberg kommune gjennom fleire år gitt ut ei kommunal informasjonsavis. Men i 1997 gjekk Randaberg saman med øykommunen Rennesøy (no del av Stavanger kommune) om å lage ei felles lokalavis, Bygdebladet for Randaberg og Rennesøy. Då var det for lengst kome ein undersjøisk tunnel mellom desse kommunane som gjorde sambandet mellom dei mykje lettare. Avisa dekkjer også Kvitsøy og delar av tidlegare Finnøy kommune.
Avisa kjem ut kvar torsdag. Journalistane kan velje målform, men bokmål dominerer. Bygdebladet har dei siste åra hatt ein jamn vekst, og papiravisa hadde i 2019 eit opplag på 3442 eksemplar.
Avisa er eigd av Amedia region Nordsjø, tidlegare Nordsjø Media AS.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.