Aurora – Store norske leksikon

Aurora er eit kvinnenamn som kjem av latin aurora med tydinga ‘morgonrøde’.

I romersk mytologi var Aurora gudinne for morgonrøden. Framandordet for nordlyset er Aurora borealis. Andre kvinnenamn som tyder ‘morgonrøde’ er Gry, Eos, Dawn, Roxana, Danica og Zora.

Namnedag er 30. juli. Aud og Audhild har også namnedag denne dagen.

Personar med namnet Aurora

Fyrste namneberar

Den fyrste som vart registrert med namnet, var ein innvandrar frå Sverige: «møbelpolererske» Aurora Lindeberg fødd 1823, busett i Kristiania i 1865.

Kulturell bruk

Aurora er hovudpersonen i sju barnebøker (1966–1972) av Anne-Cath Vestly. Dette stoffet vart også formidla i radio og TV.

Kjende personar med namnet Aurora

Eksempel på ein person med namnet Aurora som er omtalt i Store norske leksikon:

Karin Aurora Lindell (1955)
AURORA (artist) (1996)

Namnestatistikk

I 2022 var det 5 412 kvinner i Noreg som hadde Aurora som det einaste førenamnet eller som det fyrste av fleire. I 2022 var det 208 jenter som fekk namnet Aurora, og det var blant dei 50 mest populære jentenamna dette året.

Utvikling i bruk av namnet

Kvinnenamn med minst tre stavingar har oftast utanlandsk opphav. Dei som endar på -a, var lite brukte på 1800-talet og fram til midten av 1900-talet. Aurora og Elvira er blant dei namna som hadde stor framgang frå slutten av 1900-talet. Oppsvinget for Aurora kan nok sjåast i samanheng med barnebøkene om Aurora (1966 og 1972) av Anne-Cath Vestly.

Les meir i Store norske leksikon

kvinnenamn
førenamn, mellomnamn, etternamn
personnamn
Om namneartiklane på snl.no

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Jentenavn

Gulbrand Alhaug

UiT – Norges arktiske universitet