virginiaeiner

Borken er raudleg brun, med åra blir han meir grå og flakar av i langstrekte, smale flak. Blada er vanlegvis skjelforma og kan bli éin til tre millimeter lange. Viriginiaeiner har ikkje barnåler som spriker ut frå kvisten, slik som dei gjer hos vanleg einer. Ungplanter har nåler som er omtrent éin centimeter lange (juvenilt bar). Gamle tre kan også få ein del juvenilt bar.

Arten er særbu, med eigne hann- og hoplanter.

Den naturlege utbreiinga er austlege Canada og USA, frå Nova Scotia og Ontario i nord til Florida i sør, og vestover til Rocky Mountains. I Europa blir virginiaeiner planta som prydtre i hagar og parkar, også i Noreg. Det blir marknadsført fleire kultivarar (hagesortar). Dei mest herdige sortane klarer seg i klasse H5.

Kjerneveden er raudbrun og har ei behageleg lukt. Veden blir ofte selt som raudt sedertre eller virginiaseder og har vore brukt til sigarkassar, til blyantar og ikkje minst som møllmiddel.

• einer
• seder – bartre
• sypress