Kanuri er eit språk som høyrer til den vestlege greina av den sahariske språkfamilien. Kanuri er førstespråket til over 4,2 millionar menneske i områda rundt Tsjadsjøen – 3,2 millionar i Nigeria, 0,6 millionar i Tsjad, 0,4 millionar i Niger og mindre grupper i Kamerun, Sudan og Libya. Det er andrespråket til over 500 000 menneske i Nigeria.
I den nigerianske delstaten Borno er kanuri offisielt språk, og det blir nytta i parlamentet, i media og i grunnskulen. Kanuri er kjent i skriftlege kjelder sidan 1600-talet – lenger tilbake i tid enn dei fleste andre afrikanske språk.
Endonymet for språket – det vil seie ordet for språket på språket sjølv – er kanurí/kanurikanurí, medan kanúri er namnet på den etniske gruppa og ein person som høyrer til gruppa. Landa med flest kanuri-talarar er Nigéría [naidʒéríja] ‘Nigeria’, Sádǝ ‘Tsjad’, Nijêr ‘Niger’, Kamerûn ‘Kamerun’ og Líbiya / Tǝrábus ‘Libya’. Hovudstaden i delstaten Borno (Bornó) er Maidúguri, som lokalt går under namnet Yérwa.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.