Sandra Bruflot

Sandra Bruflot er fødd i Lier. Ho var elev ved St. Hallvard videregående skole 2007–2010 og har studert til lærar ved Høgskolen i Oslo og Akershus (no OsloMet).

Bruflot var leiar i Lier Unge Høgre 2010–2011, leiar i Buskerud Unge Høgre 2012–2014 og nestleiar i sentralstyret frå 2014 til ho blei leiar i 2018. Bruflot blei nummer to i eliteprogrammet til Unge Høgre i 2013, som er eit skuleringsprogram i politikk, kommunikasjon, ideologi og leiing.

I fleire saker, som til dømes abortsaka, gav ho som leiar for Unge Høgre klar melding om at ungdomspartiet ikkje var på linje med moderpartiet Høgre. Bruflot vurderte å gi seg i politikken, men tok over leiinga av Unge Høgre då den tidlegare leiaren trekte seg etter varslingar om seksuell trakassering. Ho gjekk av som leiar i 2020.

I perioden 2011–2015 var ho medlem av Lier kommunestyre, og frå 2014 var ho medlem av Høgres likestillingspolitiske utval. Ho var medlem av fylkestinget i Buskerud 2015–2019 og av fylkestinget i Viken 2019–2023. Bruflot var vararepresentant til Stortinget for Høgre frå Buskerud i perioden 2013–2017. I 2021 vart ho stortingsrepresentant frå Buskerud og vart medlem av helse- og omsorgskomiteen på Stortinget.

• Høgre
• Stortinget
• Stortingsrepresentantar 2021–2025
• Unge Høgre

• Stortinget: Sandra Bruflot
• Høgre: Sandra Bruflot