Arild Grande

Faktaboks

Arild Grande

Arild Aglen Grande

Født
5. april 1978, Trondheim, Trøndelag
Av /Stortinget.

Artikkelstart

Arild Grande er ein norsk organist, politikar og stortingsrepresentant for Arbeidarpartiet frå Nord-Trøndelag i 2005-2021.

Bakgrunn

Arild Aglen Grande er fødd i Trondheim i Sør-Trøndelag (no Trøndelag) og voks opp i Levanger i Nord-Trøndelag (no Trøndelag). Han var elev ved Levanger videregående skole i 1994–1997 og studerte til organist ved institutt for kyrkjemusikk ved NTNU i 2003–2005. Grande var tilsett ved Levanger kyrkjelege fellesråd frå 2000 til 2005.

Politisk karriere

Grande arbeidde som fylkessekretær i AUF i Nord-Trøndelag i 1997–2000 og vart deretter leiar av Nord-Trøndelag AUF i 2000–2002. Han var representant for Arbeidarpartiet i fylkestinget i Nord-Trøndelag i 2003–2005, før han kom inn som vararepresentantStortinget og møtte fast for statsråd Bjarne Håkon Hansen etter valet i 2005. Grande var då medlem i kommunal- og forvaltningskomiteen. Han fekk fast plass på Stortinget frå 2009, og i perioden 2013–2017 er han medlem av familie- og kulturkomiteen. Han har òg vore mediepolitisk talsmann for Arbeidarpartiet. Grande vart attvald til Stortinget i perioden 2017-2021.

Politisk er Arild Grande særleg oppteken av medie- og kulturpolitikk, og han har vore sentral i arbeidet med endringa av NRK-lisensen.

Andre verv

Arild Grande har hatt fleire administrative verv og tillitsverv. Han var leiar av Nord-Trøndelag barne- og ungdomsråd i 2001–2002 og leiar av utdanning-, kultur- og helsekomiteen i Nord-Trøndelag i 2003–2005. Han har òg vore medlem av kontaktutvalet mellom innvandrarbefolkninga og styresmaktene i 2006–2009. Grande var òg leiar av Mannspanelet i 2007–2008. Frå 2021 er han prosjektleiar i Produsentforeininga i Virke.

Les meir i Store norske leksikon

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg