Stearin
Strukturformel for stearin

Stearin er eit fast feittstoff utan lukt og smak. Stearin blir mellom anna brukt til å produsere stearinlys.

Faktaboks

Uttale
stearˈin
Etymologi

av gresk ‘talg’

Også kjend som

tristearin

Saman med palmitin og olein utgjer stearin hovudbestanddelen i dei fleste typar animalsk og vegetabilsk feitt, til dømes talg og kakaofeitt.

Når slike feitt-typar blir smelta og deretter avkjølte, vil olein delvis kunne fjernast ved utpressing (oleomargarin), medan ein fast masse som i hovudsak består av stearin og palmitin, blir igjen.

Bruk

Stearin blir mellom anna brukt til produsere stearinlys. Lys av rein stearin blir for sprø, difor blir det gjerne tilsett fast parafin (parafinvoks). Tidlegare brukte ein lys av berre parafin, men slike lys blir for blaute.

Kjemisk samansetjing

Stearin er glyserolester av stearinsyre og har kjemisk formel (C17H35COO)3C3H5. Smeltepunktet er 72 °C.

Framstilling

Stearin blir framstilt ved katalytisk hydrogenering av oljer, eller av stearinsyre og glyserol i nærvær av Al2O3.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg