Kristina Leganger Iversen

Kristina Leganger Iversen er fødd i Åsane i Bergen i Hordaland (no Vestland). Iversen tok ein bachelorgrad i 2011 og ein mastergrad i 2013 i allmenn litteraturvitskap ved Universitetet i Oslo. Masteroppgåva var om portrettmotivet i forfattarskapen til Siri Hustvedt. Ho har også studert Litterär gestaltning ved Göteborgs universitet (2014).

Iversen debuterte med diktsamlinga Hjartemekanikk i 2011. Samlinga er ein lyrisk roman, og handlinga krinsar rundt klassiske tema som kjærleik og død. Iversen vekslar mellom lyriske sekvensar og små forteljingar der eg-personen er åleine med minna om kjærasten som ikkje er der meir.

Romanen I ringane kom i 2015. Han handlar om kvinna Jo og dei relasjonane ho har til dei rundt seg, og kva dei gjer med identiteten hennar. Gjennom ein fragmentarisk forteljemåte utforskar Iversen dei sosiale laga vi er ein del av, og korleis kroppen vår set grenser for kven vi er, og kva vi kan bli.

Iversen har òg skrive sakprosa om hennar eige møte med spørsmålet om å bli mor i boka Bli mor no? frå 2019.

• Bli mor no? (Sakprosa, Samlaget, 2019)
• I ringane (Roman, Samlaget, 2015)
• Hjartemekanikk (Lyrikk, Samlaget, 2011)

• Noregs litteraturhistorie
• prosa
• lyrikk

• Det Norske Samlaget si forfattarside om Kristina Leganger Iversen
• Universitetet i Oslo si tilsettside om Kristina Leganger Iversen