Soldoggfamilien, ein plantefamilie innan klassen tofrøblada planter. Globalt består familien av rundt 150 artar fordelt på tre slekter; soldoggslekta (Drosera), Dionaea og Aldrovanda. Både Dionaea og Aldrovanda er monotypiske. Artane i familien har mekanismar tilpassa for å fange og bryte ned bytte, som insekt eller andre smådyr.
Droseraceae
Familien består av ettårige og fleirårige urter med blad som sit i rosett og som har kjertelhår. Artane i soldoggslekta fangar og fordøyar byttedyr ved hjelp av kjertelhår, medan artane i slektene Dionaea og Aldrovanda lukkar blada om byttedyr.
Soldoggfamilien finnes over store delar av verda, med hovudtyngd i Australia, Afrika og Sør-Amerika.
I Noreg finnes tre artar, smalsoldogg, dikesoldogg og rundsoldogg.
| Taksonomisk nivå | Norsk namn | Vitskapleg namn |
|---|---|---|
| Rike | Planteriket | Plantae |
| Rekke | Dekkfrøa blomeplanter | Magnoliophyta |
| Klasse | Tofrøblada blomeplanter | Eudicots |
| Orden | Nellikordenen | Caryophyllales |
| Familie | Soldoggfamilien | Droseraceae |
Store norske leksikon
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.