skrå

Artikkelstart

Ei skrå var opprinneleg eit stykke skinn eller pergament.

Faktaboks

Etymologi
norrønt skrá

I mellomalderen var «skrå» brukt i heile Norden om dei skriftlege vedtektene til yrkes- og standssammenslutningar.

Ei kjent skrå er Hirdskråa, ei lov for hirda (krigarfølgjet og hoffet) til kongen. Den første hirdskråa vart kanskje utarbeidd under kong Sverre Sigurdsson, men den einaste overleverte versjonen vart vedteken under kong Magnus Lagabøte. Hirdskråa regulerte forholdet mellom kongen og hirda, og plikter og rettigheiter hjå hirdmennene.

Kvart handverkslaug hadde også si skrå med føresegner om forholdet mellom meistrane og sveinane, tilgangen til faget, krava til fagleg dugleik og liknande.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg