Sven Moren

Faktaboks

Sven Moren
Født
28. oktober 1871, Trysil
Død
14. desember 1938, Trysil

Artikkelstart

Sven Moren var ein norsk forfattar. Den avgjerande suksessen sin vann Moren med forteljinga Storskogen (1904), der han står fram som skogskildraren framfor nokon i den norske litteraturen i tida. Også Svartelva (1907) inneheld fine prosalyriske naturimpresjoner. Slektssagaen Storskogen vart ført vidare i Garden og bygda (1924), Grøndalskongen (1925) og Vegaskile (1926).

Striden mellom nytt og gammalt er emne for Styrkeprøve (1929), Riket er ditt (1932) og Skuldmennene (1934). Gode naturskildringar gir også Aust or markom (1909), Den gamle skogen (1920), Storvinter og trollskap (1928).

Moren gav også ut barnebøker, mellom anna Den store tømmerdrifta (1909). Ein del lyriske dikt samla han i Fela (1922) og Steg på vegen; gamle og nye vers (1931).

Moren var formann i Noregs Ungdomslag i 1899–1901 og i 1915–19, formann i Norsk Bokmannslag i 1913–1917, medlem av Forfatterforeningens litterære råd i 1915–1928. Moren fekk kunstnarlønn frå 1936. Kort etter hans død kom Møte og minne (1938). Han var far til forfattarane Halldis Moren Vesaas og Sigmund Moren.

Les meir i Store norske leksikon

Litteratur

  • Haraldseid, Sigurd: Gardguten og spelemannen, 1946
  • Vesaas, Halldis Moren: Sven Moren og heimen hans, 1951

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg