Rosamond Lehmann

Lehmann var fødd inn i ein velståande engelsk familie. Ho studerte ved Cambridge University og var assosiert med Bloomsburygruppa i London, ei gruppe forfattarar som var knytt til modernismen og som inkluderte mellom anna Virginia Woolf og E. M. Forster. Ho hadde eit langvarig, stormfullt forhold til poeten Cecil Day-Lewis.

Lehmann gav ut ei rekke romanar som viser innsikt i kvinners sosiale situasjon. Debutromanen Svevende svar (1927) var ein besteseljar primært fordi den blei ein suksess-skandale: Hovudpersonen Judith er tiltrekt av både kvinner og menn, og romanen er seksuelt modig og frigjerande. Variantar av denne tematikken, som har sjølvbiografiske innslag, blei vidareført i Olivias hjerte (1936) og Balladen og kilden (1944).

Lehmann skreiv også noveller og eit skodespel. The Swan in the Evening (1967) er ein spirituell sjølvbiografi.

Ho var søster av John Lehmann.

• Dusty Answer (1927). Svevende svar. Omsett av Theo. Findahl. Oslo: Gyldendal, 1930.
• The Weather in the Streets (1936). Olivias hjerte. Omsett av Alf Harbitz. Oslo: Gyldendal, 1955.
• The Ballad and the Source (1944). Balladen og kilden. Omsett av Alf Harbitz. Oslo: Gyldendal, 1948.

• Storbritannias litteratur
• Teater i Storbritannia
• Bloomsburygruppen
• Storbritannias historie

• Lehmanns bøker i Open Library
• Lehmann på norsk: bøker i Nasjonalbibliotket

• Hastings, Selina (2002). Rosamond Lehmann: A Life. London: Random House UK.
• Alexander, Michael (2003). A History of English Literature. 3. utg. London: Palgrave.
• Marcus, Laura og Peter Nicholls (red. 2012). The Cambridge History of Twentieth-Century English Literature. Cambridge: Cambridge University Press.