Ronald – Store norske leksikon

Ronald er eit skotsk-engelsk mannsnamn som svarer til det nordiske Ragnvald.

Ragnvald er kanskje eit tidleg lån frå Norden til Skottland, og det er dermed mogleg at det er Ragnvald som ligg til grunn for Ronald.

Namnedag er 9. august. Ronny har også namnedag denne dagen.

Personar med namnet Ronald

Fyrste namneberar

Den fyrste som vart registrert med namnet i Noreg, var fødd 1886 i Skottland: Ronald Stuart Archer, busett i Larvik i 1900. Colin, Lewis og Ronald høyrer til same familie Archer i Larvik. Også dei av barna som er fødde i Noreg, har fått engelske og skotske namn.

Kjende personar med namnet Ronald

Eit utval personar med namnet Ronald, og som er omtalt i Store norske leksikon:

Ronald Ross (1857–1932)
Ronald Arbuthnott Knox (1888–1957)
Ronald Fisher (1890–1962)
Ronald Fangen (1895–1946)
Ronald Coase (1910–2013)
Ronald Reagan (1911–2004)
Ronald David Laing (1927–1989)
Ronald Bye (1937–2018)
Ronald Langacker (1942)
Ronald Koeman (1963)

Namnestatistikk

I 2022 var det 977 menn i Noreg som hadde Ronald som det einaste førenamnet eller som det fyrste av fleire.

Utvikling i bruk av namnet

I motsetning til andre engelske namn har Ronald hatt ein lang toppfase – frå 1930-åra til 1960-åra.

Les meir i Store norske leksikon

mannsnamn
førenamn, mellomnamn, etternamn
personnamn
Om namneartiklane på snl.no

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet