Store norske leksikon
Bygdin er ein innsjø i den sørlege delen av Jotunheimen, i Vang kommune i Innlandet. Sjøen har eit areal på 40 kvadratkilometer og ei største djupn på 215 meter. Bygdin har avløp mot aust gjennom Vinstre (Vinstervatn) og elva Vinstra til Gudbrandsdalslågen. I austenden ved Valdresflyvegen (Fylkesveg 51) ligg det fleire hotell.
Bygdin er sommarstid trafikkert av motorbåten Bitihorn som går frå austenden via Torfinnsbu til Eidsbugarden ved vestenden. På nordsida reiser fleire toppar seg over 2000 meter over havet; på sørsida er fjella lågare, under 1600 meter over havet.
Bygdin vart regulert i 1936 (1048–1057 meter over havet). Reguleringa pregar strendene, særlig den austlege delen, der store sandmelar nå er synlege ved normal vasstand. Magasinet på 336 millioner kubikkmeter blir utnytta ved ti kraftstasjonar i Glomma- og Lågenvassdraget.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.