Anita Apelthun Sæle

Anita Apelthun Sæle er fødd i Fjell (no Øygarden) i Hordaland (no Vestland). Ho har fagbrev i kontorfag, tok kristendom grunnfag ved Universitetet i Oslo i 1975 og fekk graden bachelor of management ved Handelshøyskolen BI i 2007. Apelthun Sæle var tilsett i Bergens Privatbank frå 1969 til 1975.

I 1979 til 1993 var Apelthun Sæle vald inn på fylkestinget for Kristeleg Folkeparti i Hordaland. Ho var vararepresentant på Stortinget i perioden 1981 til 1993. Apelthun Sæle var deretter stortingsrepresentant for Kristeleg Folkeparti frå Hordaland i 1993–2005. I den første perioden var ho medlem av justiskomiteen på Stortinget, seinare sat ho i kommunalkomiteen og i næringskomiteen. Frå 2006 til 2008 var ho leiar av Kristeleg Folkepartis kvinner og dermed fast medlem av sentralstyret i partiet.

Apelthun Sæle har markert seg med konservative standpunkt, til dømes mot abort, åtvaringar mot homofili og sterkt forsvar for Israel. Ho har mellom anna skrive bøkene Ny kvinnekamp i Norge: Norge, vend i tide (1993) og Heimen og undervisningen, Statens barn? (1996)

Apelthun Sæle har òg engasjert seg i Bergen Blå Kors, der ho var styremedlem frå 1988 til 1990, og i Hordaland Nei til EU, der ho var i nestleiar frå 2005 til 2007.

• Kristeleg Folkeparti
• Stortinget
• fylkeskommune
• stortingsrepresentant

• Stortinget: Anita Apelthun Sæle