William Herschel Telescope er Europas nest største spegelteleskop etter Gran Telescopio Canarias, og er oppkalla etter astronomen William Herschel.
Faktaboks
- Også kjend som
- WHT
Teleskopet har apertur på 4,2 meter og høgde-asimut-montering. Det blei teke i bruk i 1987 og ligg på Roque dei lós Muchachos-observatoriet på La Palma på Kanariøyane. Det er eigd og blir drifta av Storbritannia, Nederland og Spania.
Teleskopet spelte ei viktig rolle i oppdaginga av at ekspansjonen av universet er akselerert. Teleskopet har også bidrege til andre viktige oppdagingar innan kosmologi, gammaglimt, dynamikken til galaksane, evolusjonen av stjerner og objekt i solsystemet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.