irrealis (grammatikk)

Artikkelstart

Irrealis er ei form av verbet som uttrykkjer at noko ikkje skjer eller ikkje har skjedd, men derimot kunne ha skjedd, burde ha skjedd, må skje, kjem til å skje eller liknande:

Faktaboks

Uttale
irreˈalis
Etymologi
'uverkeleg', av latin nektande in- og realis 'verkeleg, reell'
  1. Eg ville ha sagt det om eg visste det.
  2. Du burde hjelpe bestemor.
  3. Ta av deg skorne!
  4. Eg skal bli eigedomsmeklar når eg blir stor.

Irrealis står i motsetnad til realis, som er ei form av verbet som uttrykkjer ein påstand om at noko skjer eller har skjedd:

  • Kari er i byen og kjøper seg nye skor.
  • Eli møtte ei gamal veninne på gata.
  • Anders hjelper bestemor kvar veke med å gjere reint i huset.

Norsk brukar mange forskjellige verbkonstruksjonar for å uttrykkje irrealis, som dei fire setningane lenger oppe viser. Her liknar norsk på andre europeiske språk, men det finst språk i andre delar av verda – mellom anna i Papua Ny-Guinea – som uttrykkjer skiljet mellom irrealis og realis meir direkte.

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg