fleirtal (grammatikk)

Fleirtal er ei bøyingsform av eit substantiv, pronomen, adjektiv eller determinativ som viser til fleire eksemplar, til dømes substantivformene bøker, stolar, kyr og vrangførestillingar.

Ordet blir òg brukt om ei bøyingsform av verb som viser at subjektet står i fleirtal, i språk der verb blir bøygde forskjellig i eintal og fleirtal, som i engelsk the girl is hungry 'jenta er svolten' mot the girls are hungry 'jentene er svoltne'.

Det motsette av fleirtall er eintal (singularis). I nokre språk viser fleirtal til tre eller fleire eksemplar, og står då ikkje berre i motsetnad til eintal, men også til total (dualis). Dei samiske språka har eintal, total og fleirtal ved pronomen og verb, som nordsamisk mon 'eg', moai 'vi to' og mii 'vi (fleire enn to)'.