Klara Semb

Klara Semb var lærar i folkedans og leiar av folkedansverksemda i Noregs Ungdomslag. Ho teikna ned og gav ut turdansar ho samla i norske bygder og skreiv òg ned nokre bygdedansar. Ho førte også vidare den norske songdansen som Hulda Garborg skapte på grunnlag av dansen på Færøyane og norske folkeviser. Klara Semb laga dansemåtar til storparten av dei norske songdansane i si tid.

I bøkene laga Semb eit system og ein terminologi for nedteikning av norsk folkedans.

Ho hadde om lag 400 000 elevar på kursa sine rundt i heile landet, og la grunnlaget for folkedanspedagogikk og instruktøropplæring. 

Semb forfatta bokserien Norske folkedansar. Serien har fire delar og kom i fleire utgåver med litt varierande titlar:

• Del I, Viser til dansen kom i åtte utgåver mellom 1922 og 1961. 
• Del II, Rettleiing til dansen, kom i fem utgåver, 1922–56. 
• Del III, Slåttar, kom i tre utgåver mellom 1917–52, 
• Del IV, Danse, danse dokka mi, kom i éi utgåve i 1958. 

I 1966 gav Klara Semb ansvaret for serien til Noregs Ungdomslag. Dei sette ned ei nemnd for å revidere serien og gav han ut i to band: Songdansar (1985) og Turdansar (1991).

Klara Semb hadde ei rekkje verv og mottok fleire prisar for arbeidet sitt. Ho var:

• styremedlem i Noregs Ungdomslag (1927–46),
• leiande ekspert i Landsnemnda for bunadsspørsmål (1947–65),
• riddar av St. Olavs Orden og
• statsstipendiat. 

• Klara Semb i Norsk biografisk leksikon