Faktaboks

Gunnar Stubseid
Fødd
23. januar 1948, Austad i Setesdal (idag Lyngdal kommune, Agder)
Gunnar Stubseid
.
Lisens: Avgrensa gjenbruk

Gunnar Stubseid er ein norsk spelemann, forskar og skribent, utdanna ved lærarhøgskulen i Bergen og mag.art. i etnologi frå Universitetet i Bergen. Stubseid er busett på Heddi i Valle. Han brukar både den moderne hardingfela og gamle 1700-tals modellar. Viktige læremeistrar har vore Dreng Ose, Olav Heggeland, Gunnar Liestøl, Anders K. Rysstad, Ingebjørg Aakre Rysstad og Otto Furholt, alle innafor setesdalstradisjonen.

Stubseid er ein spelemann med ein allsidig karriere: to utgjevingar med gruppa Slinkombas, den fyrste fekk Spellemannprisen i 1979, to plater i samarbeid med svenske Ale Møller, samt andre samarbeidsprosjekt med musikarar som Vidar Lande, Kirsten Bråten Berg, Hallvard T. Bjørgum, Bjørn Ståbi, Per Gudmundsson, Lena Willemark og Sondre Bratland. Stubseid kom med eiga soloplate – Gorrlaus – i 2008. Han har vore forfattar av fleire bøker, mellom anna ein biografi om Sigbjørn B. Osa. I perioden 1978 til 1988 var har redaktør av Spelemannsbladet. Frå 2003 til 2011 var han rektor ved Ole Bull AkademietVoss, der han mellom anna var med å etablere eit opplæringstilbod i hardingfelemakeri.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg