Lutzgran er ein hybrid mellom sitkagran og kvitgran. Lutzgran høyrer heime i British Columbia i Canada og på Kenai-halvøya i Alaska.
Faktaboks
- Etymologi
-
Oppkalt etter skogøkologen Harold J. Lutz, professor ved Yale University.
- Også kjend som
- Picea x lutzii
- Vitskapeleg namn
- Picea ×lutzii
- Beskriven av
- Elbert Luther Little
- Framandartstatus i Noreg
- SE – Svært høy risiko
Lutzgran vart innført til Noreg i plantningar langs kysten på grunn av god vind- og salttoleranse. Lutzgran liknar mykje på sitkagran, og det er derfor ikkje mogleg å seie kva for art som har vore bruka ved dei mange plantingane i Noreg. Tilplanta areal med sitkagran og lutzgran til saman er på cirka 500 000 dekar. I Fremmedartslista til Artsdatabanken er det gjort ei samla vurdering av lutzgran og sitkagran. Dei blir rekna for å ha stort spreiingspotensial og høg grad av påverknad på naturlege økosystem, og er ført til kategorien svært høg risiko (SE).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.