Klatrehauk er ein middels stor rovfugl i haukefamilien og har naturleg utbreiing i Afrika sør for Sahara.
Faktaboks
- Vitskapeleg namn
- Polyboroides typus
- Beskriven av
- Smith, A, 1829
Som vaksen er fuglen ca. 60 cm lang, hannfuglar veg rundt 560 gram og hofuglane rundt 710 gram.
Arten er knytt til ulike habitat, mellom anna temperert skog, jordbruksland, urbane område, fuktig tropisk skog og tørr savanne. Klatrehauk er ein jegar som lever av mange ulike byttedyr, mellom anna små varmblodige dyr, virvellause dyr (invertebratar) og vekselvarme virveldyr som han fangar i skogen, i buskar og i tre.
Hekking skjer éin gong i året, og i løpet av hekkeperioden legg hofuglen som oftast to egg som blir ruga ut i løpet av ca. 36 dagar. Ungane forlèt reiret om lag åtte veker etter klekking og blir kjønnsmodne i løpet av tre til fire år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.