Gråstripefalk er ein liten rovfugl i falkefamilien og finst på Madagaskar.
Faktaboks
- Vitskapeleg namn
- Falco zoniventris
- Beskriven av
- Peters, W, 1854
Som vaksen er fuglen ca. 28 cm lang og veg rundt 170 gram.
Arten er knytt til ulike habitat, mellom anna jordbruksland, fuktig tropisk skog, mangroveskog, tropisk fjellskog og tørr savanne. Gråstripefalk er ein jegar som lever av vekselvarme virveldyr og virvellause dyr (invertebratar) som han fangar i skogen, i buskar og på bakken.
I løpet av hekkeperioden legg hofuglen rundt tre egg. Reira blir bygd i hôlrom.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.