Ustaoset er ein stasjon på Bergensbanen, i Hol kommune i Buskerud fylke, ved austenden av Ustevatnet, mellom stasjonane Geilo og Haugastøl. Stasjonen ligg 264 kilometer frå Oslo, 215 kilometer frå Bergen og 991 meter over havet. Riksveg 7 mellom Hønefoss og Hardangerbrua går gjennom denne staden. Ved Ustaoset er det ei større hyttegrend som voks fram etter opninga av Bergensbanen i 1909, og som i dag har vel 900 hytter i tillegg til hotell og andre overnattingsstader, men berre snautt 30 fastbuande (2019).
Den vestlege og austlege delen av Bergensbanen vart kopla saman ved Ustaoset i oktober 1907. Ustaoset er innkomststad for det årlege Skarverennet. Staden har også merkte sommarruter til Hardangervidda via Tuva turisthytte.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.