Solfrid Sivertsen

Solfrid Sivertsen er fødd i Mosterhamn i Bømlo i Hordaland (no Vestland). Ho er syster til den avdøde artisten Kenneth Sivertsen. Tidlegare har ho arbeidd på sjukehus i England og som resepsjonist i Bergen. Ho har arbeidd som bibliotekar i tillegg til forfattaryrket.

Ho debuterte i 1986 med novellesamlinga Porselensfiguren. Diktsamlinga Bortanfor mellomste rommet kom i 1988 og debutromanen Grøn koffert i 1994. Ho har gitt ut fleire barnebøker, den første var På ein krakk, på ein stol (1998).

Sivertsen skriv lyrisk, utan klisjear og med innsikt om tilsynelatande kvardagslege ting utan å sjokkere. Ho skriv om omsorg, kvardagsliv, barndom, lagnader, lengt, sanning og livsløgner. Ho meistrar kombinasjonen av stillfarande realisme og stor dramatikk.

I 1994 fekk Sivertsen Nynorsk litteraturpris for romanen Grøn koffert. I 2010 vann ho førsteprisen i MARGboks romankonkurranse med Før klokka fire.

• Ho sykla bort og andre noveller (Noveller, Samlaget, 2018)
• Før klokka fire (Roman, Margbok, 2010)
• Eit plutseleg mørke (Roman, Samlaget, 2008)
• Små, små løgner (Noveller, Samlaget, 2006)
• Fillebikkja og Frida (Barnebok, Samlaget, 2003)
• Trappa (Noveller, Samlaget, 2001)
• Ein storebror som Magnus (Barnebok, Samlaget, 1999)
• På ein krakk, på ein stol. (Barnebok, Samlaget, 1998)
• Langtidsvarsel. (Roman, Samlaget, 1996)
• Grøn koffert. (Roman, Samlaget, 1994)
• Bak glaset. (Noveller, Samlaget, 1991)
• Bortanfor mellomste rommet. (Lyrikk, Samlaget, 1988)
• Porselensfiguren. (Noveller, Samlaget, 1986)

• Noregs litteraturhistorie
• lyrikk
• roman
• Nynorsk litteraturpris

• Den Norske Samlaget si forfattarside om Solfrid Sivertsen