Sigurd Nesse

Faktaboks

Sigurd Nesse
Født
31. mars 1852, Balestrand, Vestland
Død
1955, Lillehammer, Innlandet

Artikkelstart

Sigurd Nesse var lærar, kulturarbeidar og målreisar. Han arbeidde for norsk mål i skulen i ei språkpolitisk brytingstid. Nesse skreiv også fleire bøker på landsmål.

Nesse starta lærarutdanninga på Balestrand lærarseminar og fullførte studiet på Stord i 1872. Den første lærarposten fekk han i 1873 i Haukedalen i Førde, Sunnfjord. Han flytta så etter fire år til Norane i Sogndal og kom her inn i miljøet kring folkehøgskulen, der nasjonal kulturreising på kristen grunn stod sterkt.

Den nasjonalt oppglødde læraren slo seg ned i Vik i Sogn hausten 1882. Kristendom og norskdom var viktige element i undervisninga hans, og han vart snart ein profilert kulturarbeidar og målreisar i Vik. Norsk mål i skulen vart ei stor stridssak i vikjaskulen, og etter langvarig og hard strid med riksmålsfolket i bygda reiste Sigurd Nesse frå Vik til Eidsvoll i 1893. Her arbeidde han i skulen heilt fram til 1923. Ved sida av lærargjerninga skreiv han spelstykke, diktsamlingar og forteljingar på landsmål.

Les meir i Store norske leksikon

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg