Hálfdan Einarsson var ein islandsk magister og litteraturhistorikar.
Etter skulegang ved Kirkjubæjarklaustur og Skálholt studerte han i København, der han vart utdanna teolog i 1755. Same året vart han rektor ved latinskulen på Hólar, ei stilling han hadde til han døydde i 1785. I 1765 vart han magister.
Halfdan skreiv den fyrste trykte islandske litteraturhistoria, Sciagraphia Historiae Literariae Islandicae (1777), og var ansvarleg for dei fleste bokutgåvene ved trykkeriet på Hólar. Fleire av bøkene hans vart trykt i Danmark, til dømes ei utgåve av Kongespegelen («Sorøutgåva», 1768) med omsetjing til dansk og latin.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.